పెళ్ళాం పై పద్యం (పెళ్ళయిన కొత్తలో & పెళ్ళయిన పదహారేళ్ళ తరువాత..!)

 

ఈ జంట పద్యాలను అవధరించండి:

పెళ్ళయిన కొత్తలో/ అవకముందు:

కం.
చూపులుగావవి..! హా..! విరి/

తూపులు గద నన్ను జూచి దోచెను మనసున్/
తాపము హెచ్చెను చిత్త ప్ర/
లాపము కల్గెను ప్రియసఖి లావణ్యము తోన్!

****
పెళ్ళయిన పదహారేళ్ళ తరువాత (ఈ కాలప్రమాణము వారివారి కర్మఫలానుసారము మారుచుండునని గ్రహించునది 😁)

కం.

చూపులుగావవి! చిచ్చర/
తూపులు గద యామె రూపు తోచగ మదికిన్/
బీపీ హెచ్చును చిత్త ప్ర/
లాపము కల్గును శ్రీమతి రమ్మని పిలువన్/

కం.

చూపులుగావవి! చిచ్చర/
తూపులు, తన ఫోను  తో లయ తప్పున్ /
బీపీ హెచ్చును చిత్త ప్ర/
లాపము కల్గును శ్రీమతి రమ్మని పిలువన్/

- రాధేశ్యామ్ రుద్రావఝల

పెళ్ళైన పదహారేళ్ళకే ఎందుకంటే ఈ పద్యాలు వ్రాసి నాలుగేళ్ళయింది. మా పెళ్ళై ఇరవై యేళ్ళు..! ఇప్పటికి ప్రచురించగలిగాను. 🤣😄😇