వ్యాజస్తుతి..!

శార్దూలము.

నీ సొమ్మేమది పోవునో, భవహరా! నీకెంత యాటాయెనో!
యే సార్థక్యము కల్గి గొప్పదగు పేరే దాల్చెదో! గొంకవో!
యీ సంసార పయోధి ముంచక ప్రభో! యెట్లైన దాటింపవో!
యో సామీ! తమ పాదముల్ గొలువ లేదో !?  తండ్రి! కాపాడుమా!

ఓమ్ నమః శివాయ

ఆ.వె.
అన్ని మంత్రములకు నాది మంత్ర మిదియ/
నాది పురుషుడాత డాది దేవు/
డతని స్మరణజేయు మందగ మోక్షము/
పలుకు మోం నమశ్శివాయ యనుచు..!

- రాధేశ్యామ్ రుద్రావఝల

20.04.2018

శివుడు..!!

ఆ.వె.
గంగ యనిన నీకు జంగమ కడు ప్రీతి

సిద్ధమీవు మరొక యుద్ధరణికి

నీదు శిరము తనకు నెలవు జేసినగాని

తనివి తీరకున్నదా త్రినేత్ర ?

కందము:
కోరడు క్రతువుల తపముల

చారెడు భస్మమును పూయ సంతసమందున్!

మారేడుదళమ దొక్కటి

పారగ నభిషేక జలము పైనిడ చాలున్!