పార్వతిదేవి గంగతో ఇలా అంటోంది

[8.03.2018 10:08 PM] radheshyam r:

పార్వతిదేవి గంగతో ఇలా అంటోంది:
చంపకమాల:
పెనిమిటి నెత్తికెక్కితని బింకము చూపగ నెంత దానవే
వినయము లేక నించుకయు వేడుక చేయగ చాలు చాలికన్
తనరగ నీ సుడుల్ తిరుగు తాహతు కల్గనదేమి హేతువో
కనగ మదీయ సోదరుని పాదములన్ జనియించుటే సుమా!

నాల్గవ పాదం యతి..!!

శ్రీ రవికుమార్ గారి సవరణ:

పార్వతిదేవి గంగతో ఇలా అంటోంది:

చంపకమాల:

పెనిమిటి నెత్తికెక్కితని బింకము చూపగ నెంత దానవే/
వినయము లేక నించుకయు వేడుక చేయగ చాలు చాలికన్/
తనరగ నీ సుడుల్ తిరుగు తాహతు కల్గుటకేమి కారణం/
బ? నిజము నాదు సోదరుని పాదములన్ జనియించుటే సుమా!

చంపకమాల:

పెనిమిటి నెత్తికెక్కితని బింకము చూపగ నెంత దానవే/
వినయము లేక నించుకయు వేడుక చేయగ చాలు చాలికన్/
తనరగ నీ సుడుల్ తిరుగు తాహతు కల్గెడు కారణంబు చూ/
చిననది నాదు సోదరుని శ్రీ చరణమ్ముల పుట్టుటే కదా!

శివుడు..!!

ఆ.వె.
గంగ యనిన నీకు జంగమ కడు ప్రీతి

సిద్ధమీవు మరొక యుద్ధరణికి

నీదు శిరము తనకు నెలవు జేసినగాని

తనివి తీరకున్నదా త్రినేత్ర ?

కందము:
కోరడు క్రతువుల తపముల

చారెడు భస్మమును పూయ సంతసమందున్!

మారేడుదళమ దొక్కటి

పారగ నభిషేక జలము పైనిడ చాలున్!