పెళ్ళాం పై పద్యం (పెళ్ళయిన కొత్తలో & పెళ్ళయిన పదహారేళ్ళ తరువాత..!)

 

ఈ జంట పద్యాలను అవధరించండి:

పెళ్ళయిన కొత్తలో/ అవకముందు:

కం.
చూపులుగావవి..! హా..! విరి/

తూపులు గద నన్ను జూచి దోచెను మనసున్/
తాపము హెచ్చెను చిత్త ప్ర/
లాపము కల్గెను ప్రియసఖి లావణ్యము తోన్!

****

మరో సరదా పద్యము: వారఫలాలు

 మరో సరదా పద్యము:

ఉత్పలమాల:
తీయని వార్త విందువని దృష్టికి వారఫలంబు సోకగన్/
హాయనిపించి, భర్త కడు నచ్చెరువందగ, శ్రీమతిన్ త్వరన్/
సాయము కోరి రమ్మనగ, జాగును సేయక పుట్టినింటికిన్/
పోయెద నన్న నామె కనుమోదము దెల్పెను సంతసంబునన్!

(ఇది కూడా కల్పనే సుమండీ..)
😄😄😄

వ్యాజస్తుతి..!

శార్దూలము.

నీ సొమ్మేమది పోవునో, భవహరా! నీకెంత యాటాయెనో!
యే సార్థక్యము కల్గి గొప్పదగు పేరే దాల్చెదో! గొంకవో!
యీ సంసార పయోధి ముంచక ప్రభో! యెట్లైన దాటింపవో!
యో సామీ! తమ పాదముల్ గొలువ లేదో !?  తండ్రి! కాపాడుమా!

గోంగూర పచ్చడి..!

😁😁 గోంగూర పచ్చడి 😁😁

సీసము.

కూర్మి కలిగి లేత గోంగూర కాడల/

యాకులన్నిటి రెల్చి యాదరమున/

మంచినీట కడిగి మంచి బట్ట దుడిచి/

పొయ్యి సన్నసెగను మూకుడుంచి/

యందు చారెడు నూనె నాకుల వేయించి/

యిగురునంతవరకు మిగుల కలిపి/

దానిని రోటిలో ధాటిగా రుబ్బుచు/

నప్పుడు సరిపడు నుప్పు కలిపి/