స్త్రీమూర్తి

ఉత్పలమాల - సప్తపాది:

పాపగ తల్లిదండ్రులకు భాగ్యమొసంగెడు లక్ష్మి యంశ వై/

ప్రాపుగనుండి నీడవయి భర్తకు, పాపకు నీవెయమ్మవై/

యాపయి నత్త మామ లెడ నాదృతిసూపెడు నాడుబిడ్డవై/

రేపవలున్ కుటుంబమున ప్రేరణ నింపెడు పెద్ద దిక్కువై/

దీపమవై గృహంబునకు, తీరుగ నొక్కతె విన్ని నేర్పులన్/

చూపగ సాధ్యమౌనని యశోవతివై ప్రజ మేలనంగ - నిం/

తీ! పలు బాధ్యతల్ నెరపు దేవత వీవని ప్రస్తుతించెదన్!

రాధేశ్యామ్ రుద్రావఝల

27.07.2024