పల్లెకు, పట్టణానికి సూర్యోదయ సాపత్యం..!

ఉత్పలమాల:

నల్లని మబ్బు దుప్పటులు నాకము నంతట నిండియుండగా,

మెల్లగ వాని చీల్చుకొని మేల్కొను భానుని లేతకాంతులే/

తెల్లగ భూమినంతటను తీరగు రీతిని విస్తరింపగన్/

పల్లెకు తెల్లవారగను, పట్నము మత్తుగ చేరె శయ్యకున్!

- రాధేశ్యామ్ రుద్రావఝల

31.08.2019

విశ్వవ్యాపకుడు - విష్ణు

చంపకమాల.
దినకరుడున్ నిశాకరుడు తీరుగ నుండిరి కన్ను దోయిగా!
పెనుగ్రహకోటి కంఠ పరివేష్టిత మాలికలాయె, రోదసిన్/
మినుకుమినుక్కు తారకలు మేని తళుక్కులు కాగ, స్వామిరో!
నిను గన విశ్వమంతటను నీ ఛవి కన్పడు వేంకటేశ్వరా!