ఇప్పుడే రాయలవారి మీద మరొక పద్యం ప్రయత్నించాను..!
సీ.
బ్రహ్మ చేసిన సృష్టి వైవిధ్యమౌరీతి/
కల్పించితీ వొక్క కావ్యమునను!
విష్ణుతేజముతోడ పృథివి నేలంగ స్థి/
రముగ నిల్చెను నీదు రాజ్యలక్ష్మి !
కదనాన నీ తీక్ష్ణ ఖడ్గచాలనమున/
రుద్రాంశ దునిమె శత్రువుల తరిమి!
దిక్పాలకుల తోడి దేవేంద్ర సభఁ బోలి/
తీరె నీ సభ యష్ట దిగ్గజముల!
తే.గీ.
యిన్ని యంశలు నొకనిలో నెట్లు కలిగె/
నెన్ని పుణ్యాల ఫలమవో ని ద్ధరిత్రిఁ/
బుట్టి, నడయాడి, పాలించి, పొలుపు మీఱ/
కీర్తి శిఖరాల నందితి కృష్ణరాయ!
సాహితీ సమరాంగణ సార్వభౌమ!
- రాధే శ్యామ్ రుద్రావఝల
07.10.2023
🙏🙏🙏
సవరణ (12.10.2023) :
సవరణ (12.10.2023) :
సీ.
బ్రహ్మ చేసిన సృష్టి వైవిధ్య మెల్లను /
కల్పించితీ వొక్క కావ్యమునను!
విష్ణుతేజముతోడ పృథివి పాలించి స్థి/
రముగ నిల్పితి నీదు రాజ్యలక్ష్మి !
కదనాన నీ తీక్ష్ణఖడ్గవైదగ్ధి రు /
ద్రాంశతో దునుమాడి తరుల తరిమి!
దిక్పాలకుల తోడి దేవేంద్రు విభవాన /
తీర్చితి సభ నష్టదిగ్గజముల!
గీ.
నిన్ని యంశలు నొకనిలో నెట్లు కలిగె/
నెన్ని పుణ్యాలఫలమవో యి ద్ధరిత్రిఁ/
బుట్టి నడయాడి పాలించి పొలుపు మీఱ/
కీర్తి శిఖరాల నందితి కృష్ణరాయ!
సాహితీ సమరాంగణ సార్వభౌమ!
- రాధేశ్యామ్ రుద్రావఝల
పద్యములో తగు సవరణలు సూచించిన శ్రీ రామారావు మాస్టారికి, శ్రీ భైరవభట్ల కామేశ్వరరావు గారికి ధన్యవాదములు.🙏🙏🙏
కామెంట్లు లేవు:
కామెంట్ను పోస్ట్ చేయండి