చంపకమాల.
తడితల డిగ్గి ముంప జడతం దుది ఱెప్పలఁ గన్ను విప్పి పు/
ల్పొడచుచు నీరు ముంగరలపోలిక ముక్కునఁ గూడ నోటఁ గొం/
తొడియుచు గూఁటి కఱ్ఱ సగమెత్తుచు ఱెక్క విదుర్పు మున్నుగా/
వడకుటె గాక చేష్టుడిఁగె పక్షులు వక్షము జానువుల్ చొరన్!
*********
ఆముక్తమాల్యద లోని పై పద్యానికి తేటగీతిలో నా ప్రయత్నం:
వానజోరుకు తడవగ పక్షుల తల/
లా జలంపు బిందువు కన్నుల కొనకు డిగి /
పులుగు ఱెప్పలార్పగ, నంత పొలుపుమీరి/
ముక్కుకొనజేరి ముత్యపు ముక్కెరౌచు!
గూటిచితుకులు తడవగ, తాఁటి కొనుచు/
రెక్క లల్లార్చి చలి సోక నొక్క క్షణము/
వణికి తమ పక్షముల చేర్చి వక్షములకు/
పిట్టలుండెను చెట్లపై బిఱ్ఱ బిగిసి!
*********
తమ సవరణతో పద్యాన్ని అందంగా మలచిన గురువులు శ్రీ సాంప్రతి సురేంద్రనాథ్ గారికి నమస్కారములు, ధన్యవాదములు.
🙏🙏🙏🙏
- రాధేశ్యామ్ రుద్రావఝల
12.10.2023
కామెంట్లు లేవు:
కామెంట్ను పోస్ట్ చేయండి