హంపీ క్షేత్ర సందర్శనానంతర స్పందన:
శార్దూలము.
ఏమా యున్నత గోపురంబులవి తామే కీర్తినిన్ దాల్చెనో/
యేమా స్వచ్ఛ జలాశయంబులవి తామే శీలమున్ కల్గెనో/
యేమా గండ్ర శిలాచయంబులవి తామే ధీరతన్ చూపెనో/
యేమా కోమల శిల్పమూర్తులవి తామే భావముల్ పల్కెనో/
యా మా రాయల సద్గుణాళి నిలిచెన్ హంపీ కళా క్షేత్రమై!
కీర్తి ఉన్నతంగా, శీలము స్వచ్ఛంగా, ధీరత్వము కఠినంగా, భావాలు కోమలంగా ఉండే రాయలవారి సద్గుణాలకు ప్రతీకలుగా/ వ్యక్తిత్వ చిహ్నాలుగా/ గోపురాలు, జలాశయాలు, శిలా సమూహాలూ, శిల్పాలూ హంపి క్షేత్రంలో నిలిచియున్నాయి అని భావము.
- రాధేశ్యామ్ రుద్రావఝల
15.10.2022
కామెంట్‌లు లేవు:
కామెంట్‌ను పోస్ట్ చేయండి