*శ్రీకృష్ణ పాండవీయము*

ఆటవెలదులు:
1. పాండవులను లాక్ష్య భవనము గాచెడి/
యాప్త బంధువన్న నదియె నీవు/
రాజసూయ వేళ రగడు నృపతి జంపి/
యందుకొంటివిగద యగ్రపూజ//

2. ఖాండవమ్ము నగ్ని కాల్చగ నతనిచే/
పార్థు కీయ జేసి భవ్య ధనువు,
మయుని యాజ్ఞ జేసి మయసభ నిర్మించి/
పాండవులకు యశము పంచినావు//

3. ద్రౌపదికిని మాన రక్షణ జేయగ/
నార్తరక్షకుడవు నామెకపుడు/
కౌరవుండు పంపు కపటపు దుర్వాస/
మౌని గర్వమెల్ల మాపినావు//

4. రాయబార సభను రారాజు పన్నింప/
విశ్వరూపునిగను పెరిగి నావు/
సమరసీమలోన చకితుడౌ పార్థుని/
పోరుబంటు జేయు బోధ నీది//

5. పాండు సుతుల సచివ బాంధవ సఖుడవు/
గురువు దైవ మీవె కూర్మిమీఱ/
ధర్మమదియె నిలుప ధరణి నవతరించు/
మాధవుండె యౌను మాకు రక్ష//

- రాధేశ్యామ్ రుద్రావఝల